簡単チーズクリームチキングラタン

هادي فكرة عشاء بنينة بزاف، خفيفة وما تشدش الوقت، بطاطا بيوريه مع دجاج بالكريمة والجبن Tartino. المقادير: للبطاطا المهروسة (Purée): 4-5 حبات بطاطا متوسطين نصف كاس حليب حبة جبن Tartino (أو أكثر حسب الذوق) مغرفة صغيرة زبدة (اختيارية) ملح، فلفل كحل صفار بيضة (اختياري باش تجي متماسكة) للدجاج: نصف صدر دجاج مقطع مكعبات صغار 1 حبة بصل مقطعة رقيق 1 حبة فلفل أحمر + 1 حبة فلفل أخضر مقطعين شرائح شوية زيت التوابل: ملح، فلفل كحل، كركم، توابل دجاج 1 حبة جبن Tartino 1 كاس كريمة سائلة (crème fraîche liquide) جبن مبشور للوجه معدنوس مقطع طريقة التحضير: 1. نوجد البطاطا: قشري البطاطا وقطعيها وديريها تغلي في ماء مالح حتى طيب مليح. صفيها وهي سخونة ديريلها نصف كاس حليب والجبن تاع Tartino والزبدة، وارحيها بالميكسور ولا بالفرشيطة حتى تولي كريمة ناعمة. زيديلها فلفل كحل وصفار بيض وخلطي. 2. نوجد الدجاج: في مقلة ديري شوية زيت، قلي البصلة حتى تذبال. زيدي الدجاج لي كونتي تبلتيه بالملح، فلفل كحل، كركم وتوابل الدجاج، وخليه يتقلى مليح مع البصل. كي يطيب الدجاج، زيدي الفلفل الأحمر والأخضر، غطيهم وخليهم يدبالو شوية. كي تشوفي كلش طاب، زيدي حبة جبن Tartino وحركي حتى تذوب، ومن بعد فرغي كاس كريمة سائلة وخلطي. كي تبدا تغلي طفي عليه، الحشوة راهي واجدة. 3. التركيب: جيبي لي بلاتو صغار يدخلو للفرن ولا واحد كبير حجم عائلي. حطي طبقة أولى من البطاطا المهروسة وسويها بالملعقة. زيدي فوقها طبقة من خليط الدجاج بالكريمة. في الأخير رشي جبن مبشور من الفوق وشوية معدنوس. 4. للفرن: دخليهم للكوشة سخونة على 180 درجة غير باش يذوب الجبن ويحمار الوجه، حوالي 10-15 دقيقة برك. تجيك جراتان بنينة بزاف، تذوب في الفم، تقدري توجديها كي تجي من الخدمة في دقيقة. بصحتكم!